جب لتا منگیشکر نے انکشاف کیا کہ انہیں ’سلو پوائزن‘ دیا جارہا ہے

ممبئی: بلبل ہند لتا منگیشکر نے ایک بار انکشاف کیا تھا کہ انہیں ’سلو پوائزن‘ دیا جارہا ہے۔سُروں کی ملکہ بھارت کی لیجنڈری گلوکارہ لتا منگیشکر اپنے کروڑوں پرستاروں کو غم زدہ چھوڑ کر 92 برس کی عمر میں ہمیشہ ہمیشہ کے لیے اس دنیا سے رخصت ہوگئیں۔ لیکن کیا آپ جانتے ہیں کہ کسی نے لتا منگیشکر کو 60 کی دہائی میں جان سے مارنے کی کوشش کی تھی۔لتا منگیشکر نے ایک انٹرویو میں انکشاف دیا تھا کہ 1963 میں وہ بہت زیادہ بیمار ہوگئی تھیں اور بعد میں معلوم ہوا کسی نے انہیں زہر دے کر مارنے کی کوشش کی تھی۔